--Ads--
Imbabawi ti United States government ti diplomatic ken tourist visa ni Leyte Rep. ken dati nga Speaker Martin Romualdez.
Ni Romualdez ket sumansango iti imbestigasion mainaig iti mapapati a pannakainaigna iti maanomalya a flood control project.
Ti panangibabawi ti Amerika iti diplomatic ken tourist visa ti dati a Speaker ket kinumpirmaran met ni Philippine Ambassador to the United States Babes Romualdez.
Awan pay met ti sungbat ni Romualdez mainaig iti daytoy a banag.
-- ADVERTISEMENT --
Immunan a nangiruar ti Sandiganbayan iti precautionary Hold Departure Order kontra ken ni Martin Romualdez a maim-imbestigaran kadagiti reklamo a plunder, direct bribery, panaglabsing iti Anti-Graft and Corrupt Practices Act, indirect bribery, ken money laundering.
