Nagpanawagan ni dati a House Speaker ken Leyte Rep. Martin Romualdez iti insigida a pannakapasa ti House Bill No. 7227 wenno OFW Hospital Act a gagem a maidatag ken agbalin a linteg ti Overseas Filipino Workers (OFW) hospital kas panangbigbig iti sakripisyo dagiti modern heroes.
Segun ken ni Romualdez a nangputar iti gakat, kasapulan ti kongkreto nga addang tapno masigurado ti dekalidad ken mapangnamnamaan a serbisyo iti salun-at para kadagiti OFW ken pamiliada.
Rumbeng laeng a bigbigen ti naitulong dagiti mangmangged a Pilipino iti sabali a pagilian babaen ti nasaysayaat a healthcare system para kadakuada.
Karaman pay iti nagsurat iti nasao a gakat ni Tingog Partylist Rep. Jude Acidre.
Gagem ti gakat a mangdatag ti Level III hospital iti siudad ti San Fernando, Pampanga ket direkta dayta a nakaipasidong iti Department of Migrant Workers.
