Pinaglibakan ni dati a House Speaker ken incumbent Leyte Rep. Ferdinand Martin Romualdez babaen ti abogadona ti alegasyon a nakisinnarak iti kontrobersyal nga agasawa a Discaya tapno aramatyen a front iti panaggatang iti pagtaengan iti nangina a subdivision idiay Makati City.
Segun ken ni Atty. Ade Fajardo nga abogado ken spokesperson ni Romualdez, awan ti ammo ti kliyentena iti nasao a transaksyon.
Kinunana a saan pay a nakisinnarak ni Romualdez kadagiti Discaya ket ammona laeng ida gapu kadagiti report a rumrummuar.
Impalagip ti abogado ti sarita ni Curlee Discaya iti panagdenggeg iti Kamara idi September 2025 a nagkunaanna nga awan iti direkta a transaksyonna ken ni Romualdez.
Innayon ni Fajardo nga iresrespeto ni Romualdez ti institutional process ken natalek babaen iti patas ken evidence-based inquiry ket mapaneknekan nga husto isuna.
