--Ads--
VIGAN CITY – Pinasingkedan ni Sta. Catalina Mayor Edgar “Plong” Rapanut a sinurotda latta ti pagannurotan nga inyetnag ni Gov. Ryan Singson ngem dagiti laeng Returning Overseas Filipino a naggapu iti pagilian nga adda Covid variant na ket masapul a mabantayan ken mamonitor ti kasasaadda.
Iti pannaki-uman ti Bombo Radyo Vigan ken ni Mayor Rapanut, dagiti ROFs ket naikiddaw a mapanda iti Rural Health Unit tapno makita ti kasasaadda ngem saanen a mai-require kadakuada ti panagquarantine kadagiti facility.
Masapul a no addadanton iti pagtaenganda ket limitaranda pay laeng ti makipinnulapol.
Kalpasan ti mano nga aldaw a panagtalinaedda iti nasao nga ili ket dumalanda iti RT-PCR test tapno masigurado met laeng a natalgedda ken saanda a makaakar.
-- ADVERTISEMENT --
