--Ads--
Indatag iti Korte Suprema ni dati nga Executive Secretary Atty. Vic Rodriguez ti baro a ruling ti Senate Impeachment Court mainaig iti bilang ti botos a kasapulan tapno makonbiktaran ni Vice President Sara Duterte.
Iti petision, Kiniddaw ni Rodriguez a maideklara nga awan bilegna ti ruling a mangikkat iti dati a 16-vote requirement para iti conviction.
Iti baro a ruling, ti two-thirds vote ket maibasar iti bilang dagiti senador a legal ken aktwal a mabalin a makipaset iti impeachment proceedings.
Impaganetget ni Rodriguez a naaddaan iti grave abuse of discretion ti impeachment court.
-- ADVERTISEMENT --
Kiniddawna iti Korte Suprema ti pannakairuar ti temporary restraining order ken writ of preliminary injunction tapno temporario a malapdan ti nasao a ruling.
