Agtalinaed iti pagbaludan idiay The Hague ni dati a Presidente Rodrigo Duterte kalpasan a nagdesision ti Trial Chamber III ti International Criminal Court nga awan ti nagbaliwan dagiti circumstances-na a mangikalintegan iti pannaka-wayawayana.
Segun kadagiti huwes, agtalinaed ti posibilidad a saan a sumango ni Duterte iti trial wenno makibiang kadagiti proceeding, nangruna ta nalpasen nga inruar ti prosekusyon ti listaan dagiti testigo ken ebidensia.
Kasaruno daytoy ti umuna a personal nga isasango ni Duterte iti ICC idiay The Hague idi Setyembre 16, iti maysa nga status conference mainaig iti kasona.
Kabayatanna, pinasingkedan ti chamber nga awan ti baro nga impormasion manipud kadagiti medical report tapno baliwan ti agdama a detention ni Duterte, isu nga agtalinaed isuna iti ICC Detention Center kabayatan ti panagtultuloy ti proseso ti kaso.
