Nadumaduma nga aktibidad ti isayangkat ti National Historical Commission of the Philippines ita a panagrambak ti Rizal Day kagiddan iti maika-sangagasut duapulo ket walo a death anniversary iti Gat Jose Rizal.
Allukoyen ti NHCP iti publiko a makipaset iti tallo nga event-da.
Ti umuna ket ti National Flag-Raising and Wreath-Laying Ceremonies a mapasamak inton alas syete iti bigat iti Rizal Park idiay Manila, Rizal Shrine idiay Calamba ken ti Rizal Shrine idiay Dapitan City.
Sumaruno iti exhibit a “Remembering Rizal in Artworks and Monument” a mailukat iti alas otso iti bigat iti NHCP Central Office idiay Ermita, Manila.
Mangrugi met iti alas dies iti bigat ti workshop ken exhibit a Hagod Rizal, maysa a commemorative exhibit ken portraiture workshop a mapasamak iti Museo ni Jose Rizal idiay Fort Santiago, Intramuros, Manila.
Inallukoy pay ti NHCP dagiti local government unit iti intero a pagilian nga isimpa ken makipaset ti related celebration iti isu met laeng nga aldaw.
Ita pay nga ldaw nga ipakita ti National Museum ti Sleeping Josephine, sculpture ti asawa ni Rizal a ni Josephine Bracken iti National Museum of Fine Arts.
