Posible nga abuten pay iti 4 agingga 8 a lawas ti riribuk iti nagbaetan ti Amerika -Israel ken Iran, segun iti Department of Foreign Affairs.
Pinasingkedan ni Germinia Aguilar-Usudan, Foreign Affairs Assistant Secretary in the Office of Middle East and African Affairs a ti riribuk iti nagbaetan ti US-Israel ken Iran ket saan a kaparis ti Israel-Iran war a nagpaot laeng iti agingga 12 nga aldaw.
Kabayatanna, impasigurado ti Department of Foreign Affairs a sumaysayaaten amin ti communication networks ti ahensia iti Middle East a maaramat dagiti OFW ken dadduma pay a Pilipino a naipit iti riribuk.
Impasigurado ni DFA Asec Ezzedin Tago iti komite nga agtaltalinaed nga operational dagiti amin a klase ti komunikasion dagiti ahensia kadagiti pagilian iti Middle East iti baet dagiti immuna a report nga awan ti sumungsungbat kadgiti naited a hotlines.
