Riribok idiay UAE gapu ti US- Iran tension, saan a pudno

VIGAN CITY – Inkalintegan ni Loriedelle Bulahan Acosta nga Overseas Filipino Worker idiay Sharga, United Arab Emirates a taga-San Nicolas, Pangasinan nga awan iti kinaagpayso inaig iti agwarwaras a damag maipapan iti pangta iti nasao a pagilian gapu iti tensyon iti nagbaetan ti Amerika ken Iran.

Ti pannaki-uman ti Bombo Radyo Vigan ken ni Acosta, ingunam-gunam na nga awan iti masapul a pakadanagan dagiti Pilipino iti nasao a pagilian ta awan iti kinaagpayso iti damag a nagwaras nga adda iti mapabettak a rocket wennu granada ti nasao a lugar ta natalged met iti ayanda.

Para ken ni Acosta, saan a rumbeng a patiyen dagiti naipo-post lattan iti social media ta isuda nga adda iti lugar ket awan met iti mapaspasaranda a pangta iti biagda.

Innayon na pay a nainget iti panangmonitor kadakuada ti embahada ti Pilipinas iti nasao a lugar ta adda iti direkta a koordinasyon iti embahada kadakuada.