Kritikal ti maysa a senior citizen kalpasan a mapang-or ken maitama ti ulona iti kalsada gapu iti riri a napasamak idiay Barangay Nalvo, Sta. Maria, Ilocos Sur.
Ti biktima ket babai nga agtawen iti innem a pulo ket innem, house caretaker, ken agnaed iti nasao a barangay.
Ti met suspek ket ti lalaki nga agtawen iti pitopulo ket tallo, a daytoy ket boluntaryo a simmuko kadagiti pannakabagi ti linteg kalpasan ti pasamak.
Nagtaud ti pasamak iti nabayagen a riri ti biktima ken suspekmaipanggep kadagiti tarakenda nga aso.
Maibasar iti imbestigasion, napasamak ti riri iti sangwanan ti pagtaengan ti suspek ta mapapati a rinaut daytoy ti biktima babaen ti sarrukodna.
Bimmales met ti suspek ket pinang-orna ti biktima ti tengnged ken ulona babaen iti sarrukod ti biktima.
Iti kangitingitan ti pasamak, mapapati nga inagaw ti biktima ti sarrukodna, isu a naawanan iti balanse ket natwang a gapuanan ti pannakaitama ti ulona iti semento.
Naitaray iti ospital ti biktima ken manarimaan ti pannakatamingna kalpasan a na-comatose.
Agtultuloy ti imbestigasion ti Sta. Maria Police Station tapno maadal ti maipila a kaso kontra iti suspek.
