VIGAN CITY – Maisagsaganan ti kaso a frustrated murder a sangwen ti maysa a senior citizen a nangbagkong iti kabsatna idiay Sitio Mandulo, Barangay Cabaroan, San Esteban gapu iti riri iti daga.
Nabigbig ti suspek a ni Virgilio Eleccion, agtawen iti pitopulo ket tallo idinto a ti biktima ket ni Danilo Eleccion, agtawen iti innem a pulo ket uppat, agpada a taga-Sitio Mandulo, Barangay Cabaroan, San Esteban.
Iti pannaki-uman ti Bombo Radyo Vigan ken ni Police Captain Rovic Nelmida, nakaititulo iti suspek ngem patpatakderan ti biktima ti pugon ta ikalkalinteganna met a common estate daytoy agsipud ta para kadakuada nga agkakabsat.
Gapu dayta, linapdan ti suspek ti biktima ket napanna sinangat idin ta rimsua ti nabara a saritaan, puon ti panangasot ti suspek iti kutsilyo iti bagna isu a nagsanud met ti biktima ngem natwang daytoy ket binagkong ti suspek iti namitlo a daras a nakadunoran ti dua a sakana.
Ti met sarrukod ti biktima ti inaramatna a pangsaluad iti bagina.
Nupay kasta, boluntaryo met a simmuko ti suspek ngem saanen a narekobre ti patadem nga inaramatna.
