VIGAN CITY – Nakemmeg ni Derick John Calantoc Palomares, agtawen iti tallopulo ket uppat, construction worker a taga-Barangay Iboy, San Ildefonso, suspek iti napasamak a pammagkong iti nasao a lugar.
Nabigbig ti biktima a ni Nelson Calantoc Palomares, agtawen iti tallopulo, kabsat ti suspek.
Iti pannaki-uman ti Bombo Radyo Vigan ken Police Captain Alberto Ramos Jr., agrir-riri ti suspek ken ti maysa pay a kabsatda a nabigbig iti nagan a Christian Calantoc Palomares idin ta daytoy biktima ket napan naganawa ngem isu metten ti nakaiduyukan iti buksitna ti pen knife nga inaramat ti suspek.
Naipaagas met ti biktima iti ospital para ti naan-anay a pannakatamingna.
Kabayatanna, inlanad pay ni Ramos a sakbay dayta a pasamak ket ingawid dagiti kabsatna ni Christian a suroten ti live-in partnerna a pimmanaw nga isu daytoy ti nagtaudan ti nagriririanda nga agkakabsat nga iti dayta a gundaway ket agpapadada a nabartek.
