VIGAN CITY– Mapatta- patta a tallo ribo a K-Pop fans ti nagbuya ti Momoland free mini concert iti Tamag Grounds, Vigan City a sagut ti provincial government nga idaulwan ni Gov. Ryan Singson kadagiti umili.
Segun kenni Psupt. Judigth Del Prado, hepe ti Vigan City Police Station, nasurok sangagasut lima pulo a kameng ti Philippine National Police, Bureau Of Fire Protection , Philippine Army ken barangay tanods ti nagbantay ti seguridad dagiti nagbuya a nagapu pay kadagiti nadumaduma nga ili ken probinsiya.
Innayonna nga awan ti dakkel a parikut iti pannakaisayangkat ti mini concert malaksid laeng iti panagkakaribuso dagiti tattao idi sumrek da.
Uppat a kanta ti in-perform ti Momoland ta ti maikapat ket inulit da ti maysa kadagiti kanta da ta pinatgan da ti request dagiti nagbuya.
