Opisyal nga iraman ti Common Legislative Agenda ti Legislative-Executive Development Advisory Council (LEDAC) iti 20th Congress iti maysa kadagiti kangrunaan a linteg nga idurduron iti gobierno nga isu ti Right to Information wenno RTI Act, kalpasan iti umabot uppat a dekada a pannakaipenpenna.
Segun ken ni DBM Secretary Amenah Pangandaman, gagem ti gakat a papigsaen ti transparency ken good governance babaen iti napaspas a pannakairuar ti impormasyon manipod iti gobierno.
Kinunana a napateg ti RTI Act tapno labanan iti disinformation, salakniban dagiti whistleblower, ken allukoyen dagiti umili a makipaset iti panangidaulo.
Maibilang a pakasaritaan ken pammaneknek iti baro a kari ti gobierno nga iyetnag ti karbengan iti tunggal Pilipino iti impormasyon iti pannakairaman ti RTI Act iti uppat a pulo ket uppat a priority measures.
