--Ads--
Patien ni Bicol Saro Rep. Terry Ridon a makanay ti panangtapis ni Leyte Rep. Richard Gomez iti presidente ti Philippine Fencing Association tapno mapilaan iti ethics complaint.
Iti pannaki-uman ti Bombo Radyo Vigan ken ni Ridon, saan a nasken iti maysa a tao a tapisen ti padana, nangruna unay no maysa nga agpampanday-linteg ta maapektaran ti reputasion ken dignidad ti kamara.
Ibilang ni Ridon ti inaramid ni Gomez a kas maysa a ‘conduct unbecoming of a public official’.
Kunana a no adda maipila a kaso, mabalin a sumango ni Gomez iti reprimand, suspension wenno expulsion.
-- ADVERTISEMENT --
Napasamak ti panangdangran ni Gomez ken ni PFA President Rene Gacuma iti sidelines ti 2025 Southeast Asian Games idiay Thailand.
