Rider, nadungparna ti lalaki a nagbisikleta iti ili ti Sta. Lucia

VIGAN CITY – Naipaagas iti ospital dagiti dua a drayber a naaksidente idiay Barangay Barangobong, Sta. Lucia

Nabigbig ti nagmaneho iti Yamaha Sniper a ni Charles Cabjuan, agtawen iti sangapulo ket siam a taga-Barangay Lesseb, Sta. Maria, kasali iti 350kms Endurance Ride Motorcycle Challenge idinto a ti bisikleta ket minaneho ni Ronald Joven, agtawen iti innem a pulo ket dua, konsehal a taga-Barangay Barangobong.

Iti inisyal nga imbestigasyon, dumaldalyasat ti bisikleta iti national highway a naggapu iti daya idin ta nadungpar iti agpapa-abagatan a Yamaha Sniper.

Gapu dayta, nagsagaba iti dunor ti nadumaduma a paset ti bagi dagiti drayber a naipan iti City Candon Hospital para ti naan-anay a pannakatamingda.