Impasigurado ti Department of Agriculture nga agtultuloy ti Rice for All Program kadagiti supermarket uray no kinumpirmaranda nga adda dagiti supermarket a saan nga immanamong iti programa gapu ta dehadoda manipud kadagiti bagas a naggapu iti gobierno.
Segun ken ni Agriculture Spokesman Asec. Arnel de Mesa, uray no adda saan a simmurot a supermarkets, ad-adu met ti dadakkel a chain ti supermarkets a suportado ti Rice For All Program.
Inlawlawag ti opisial a malaksid kadagiti supermarket, sumali pay dagiti dadduma a convenience store iti programa tapno makalako iti 38 pesos kada kilo tib agas iti salinong ti Rice for All.
Target ti DA a maipatungpal ti panaglakoan iti nalaka a bagas kadagiti supermarket ken convenience store iti maikadua a lawas wenno akinse ti Pebrero.
