--Ads--
VIGAN CITY – Inlawlawag ni Ilocos Sur Provincial Rice Coordinator Julius Bragado a dagiti laeng rice farmer a nakarehistro iti Registry System for the Basic Sectors in Agriculture a ti taltalonenda ket nababbaba ngem dua nga ektarya ti mabenepisyaran manipud rice farmers assistance.
Iti pannaki-uman ti Bombo Radyo Vigan ken ni Bragado, kasapulan pay nga adda certification nga aggapu iti barangay captain nga adda kasdiay nga ektarya a taltalonenda.
Kunana a maidirektan ti kuarta iti card ken ti laengen mangiwithdraw ti aramiden dagiti benepisyaryo.
Malaksid dayta, inlawlawagna a dagiti nagririri a saanda a naikkan ket gapu ta isuda ket vegetable wenno corn farmer, ket saan a certified rice farmer.
-- ADVERTISEMENT --
