Ria Atayde, sikognan ti umuna nga anakda ken ni Zanjoe Marudo

VIGAN CITY – Naragsak nga inwaragawag ni Ria Atayde ti panagsikogna iti umuna nga anakda ti asawana a ni Zanjoe Marudo.

Nagpost ni Ria iti ladawanna nga adda iti beach a nakaiggem iti baby bump na, kagiddan ti Father’s Day idi kalman, a nangkablaawanna iti asawana.

Kinablaawan met ida dagiti kakaduada iti showbiz ken dagiti mangid-idolo kadakuada.

Maipalagip nga idi Marso ket nagkallaysa dagiti dua.