VIGAN CITY – Agpaspasyar kadagiti naduma-duma a barangay idiay ili a Santa da Dra. Marilou Cardenas tapnu mapaka-ammoan dagiti tattao inaig ti coronavirus disease 2019.
Isursuro da Dr. Cardenas kadagiti agindeg dagiti naduma-duma a barangay nu anya dagiti sintomas ti COVID- 19, nu kasanu a liklikan ken nu anya iti mabalin nga aramiden nu adda ti sintomas ti sakit a marikna da.
Nu adda iti sumangpet nga aggapu ti sabali a pagilian ket masapul a maipaka-ammo iti opisina ti RHU tapnu pasyaren da ket ibaga da nga ag-home quarantine da pay laeng.
Kabayatanna, kas ditoy syudad ti Vigan, agkurkurang payen iti suplay ti alcohol ken santizer idiay ili a Santa ta iti laksid a maysa nga alcohol wennu sanitizer laeng iti kada tao iti maipalubos a gatangen da ket saba-sabali met a miyembro ti pamilya iti mapan gumatang tapnu saggagaysa da iti magatang nga alcohol wennu sanitizer.
