VIGAN CITY – Nagtulagan ti Local Government Unit ken dagiti Barangay Kapitan iti ili ti Burgos nga agtalinaed pay laeng dagiti Returning Resident kadagiti isolation facility kadagiti masakupanda a barangay bayat ti panagquarantine-da.
Iti pannaki-uman ti Bombo Radyo Vigan ken ni Burgos Mayor Nathaniel Escobar, gapu iti natudo a panniempo ket agtinnagen dagiti bobeda iti isolation facility kangrunaan iti Department of Agriculture Building iti nasao nga ili a pagtaltalinaedan dagiti ma-quarantine nga agindeg isu a masimpa iti sumarsaruno nga aldaw.
Segun ken ni Escobar, ti pannakaiyakarda iti pasilidad ket tapno masigurado iti kinatalged dagiti RR ket impasiguradona a naikammayet iti Rural Health Unit a banag nga inanamunganda.
Nupay kasta ket kiddawna a maipasardeng pay laeng iti panagawat kadagiti RR nga agawid iti nasao nga ili tapno madalusan a nasayaat dagiti pasilidad.
