VIGAN CITY– Natay ni Reynante Manuel, agtawen ti 35, naasawaan, helper ,ken tubo ti Bangued, Abra ngem agtrabtrabaho idiay Capangpangan, Vigan City gapu iti panangpaltog ti suspek a ni Jose Arce, retirirado a miembro ti Philippine National Police (PNP) ken residente met laeng iti Capangpangan, idiay Vigan city pulic market.
Segun kenni P/Supt. Marlo Castillo, hepe ti Vigan City Police Station, agpadpadalus ti kuko na ti biktima idi simmangpet ti suspek ket mapapati a nagginnubal da agingga napaltugan ti biktima .
Intaray ti biktima ti bagi na iti police station ti Vigan City ta nagpatulong ket sakbay a naitaray idiay Ilocos Sur Provincial Hospital-Gabriela Silang ket innaganan na ni Arce nga isu iti mapapati a nangpaltog kenkuana.
Nasarakan iti nakapasamakan ti insidente ti paltog a nausar ngem dukduktalen pay laeng dagiti otoridad no sino iti makinkunua.
Sakbay iti napasamak ket nagapu iti court hearing dagiti dwa iti dayta met laeng nga aldaw inaig ti kaso a nagramot iti saan a panagkikinaawatan idiay Barangay Capangpangan nga isu iti mapapati a motibo iti pammaltog
Iti agdama ket addan iti kustodya ti Vigan City police station ni Arce a nakemmeg idiay San Fernando, La Union.
