VIGAN CITY- Naka-intensive care unit ti retirado a pulis idinto a nadonor ti asawa na gapu iti panangtambang dagiti saan a nabigbig a suspek idiay Sto. Domingo, Ilocos Sur.
Nabigbig dagiti biktima a da Romeo Gabur, agtawen ti 59 ken Adelaida Gabur nga agpada a taga Poro, Magsingal.
Maibasar iti inisyal a report, nakalugan ti owner type jeep dagiti agasawa kadwa da dagiti dwa nga ubbing idi pinaltugan dagiti saan pay a nabigbig a suspek a mapapati a nakalugan ti motorsiklo.
Nagsagrap ti retirado a pulis ti tama iti nadumaduma a paset ti bagi na idinto a nadaplisan ti ima ti asawa na.
Saan met a naan-ano dagiti dwa nga ubbing a kadwa da idi napasamak iti pammaltog.
Agtultuloy iti imbestigasyon dagiti otoridad iti pakabigbigan dagiti supek ken ti motibo iti pammaltog.
