VIGAN CITY – Iururay iti ili ti Nagbukel ti nagbalin a resulta ti naisayangkat nga assessment iti Philippines Institute of Volcanology and Seismology idiay Brgy. Cosocos.
Iti pannaki-uman ti Bombo Radyo Vigan kenni Nagbukel Mayor Timoteo “Tim” Cabrera”, awan pay iti simmangpet a resulta inaig ti naisayangkat a panangkitada iti daga iti nasao a lugar ngem no pay kasta immuna a kinuna iti nasao nga ahensya nga imonitor dagiti residente no agtodo a napigsa.
Mabalinen nga agsubli dagiti residente kadagiti pagtaenganda ngem kiniddaw ni Cabrera nga agridam kadagiti posible a mapasamak.
Innem a pulo ket tallo a pamilya ti naapektaran ti napasamak a gingined nga insigida nga inikkan iti Local Government Unit ti relief goods.
Sakbay a napasamak ti napigsa a gingined ket nadlawen dagiti residente nga adda nagbaliwan iti daga iti nasao a barangay kadagiti naglabas a tawen a kimmaro idi narikna ti magnitude 7.0 a gingined.
