VIGAN CITY – Maiyur-uray pay laeng ti resulta ti test a dimmalanan ti person under investigation ti coronavirus diseases 2019 (COVID- 19) tapnu maamuan nu positibo wennu saan iti nasao a sakit.
Ti kaunaan a PUI ditoy probinsiya nga adda iti agdama idiay isolation building ti Ilocos Sur Provincial Hospital Gabriela Silang ket agtawen ti tallo pulo ket siyam a babai a naggapu idiay Taiwan a maysa kadagiti adu iti kaso na iti nasao a sakit nu iyarig ditoy pagilian.
Naipatuluden idiay Research Institute for Tropical Medicine (RITM) ti specimen ti PUI ket manamnama a ti kabiitan a panawen ket maamuan ton iti resulta iti test a naisayangkat kenkuana
Inton bigat, February 19 ket agleppas ton ti 14-day quarantine period a nakaisakupan ti umuna a PUI ditoy probinsiya.
