VIGAN CITY – Patien ni Deputy Speaker ken Buhay Partylist Rep. Lito Atienza nga itan ti husto a tiempo tapno mabaliwanen ti probisyon a nakaipalaon iti konstitusyon ti pagilian partikular iti economic provision numan pay adu dagiti mangibagbaga a ganganaten ti gobierno ti pannakaital-o ti Charter Change.
Iti pannaki-uman ti Bombo Radyo Vigan ken ni Atienza, kasapulan a maparegta manen ti ekonomia gapu kadagiti naawanan ti pagsapulan ken maituloy dagiti foreign investment agsipud ta dagiti restriksyon iti konstitusyon ket saanen a maallukoy dagiti foreign investor nga umay agnegosyo ditoy pagilian.
Tapno mabangon manen ti ekonomia ket patien ti kongresista a rumbeng a mabaliwan dagiti ipagpagel ti konstitusyon ta makanayen a rason ti krisis a mapaspasaran ita ti pagilian gapu ti Covid19 pandemic a nangitundaan ti pannakalugi dagiti adu a negosyante.
Inlawlawagna a no saan pay la nga ita ti panawen a matignayan ti nasao a banag ket manamnma iti nabaybayag manen a panaglung-aw ti ekonomia ti pagilian.
