VIGAN CITY – Maikidkiddaw kadagiti mapan agpaspasyar iti Awaw-sen falls iti ili ti Sigay a saan nga agibati iti basura tapno mapagtalinaed ti kinadalus ken napintas a buyana.
Iti pannaki-uman ti Bombo Radyo Vigan ken ni Darence Bruce Douglin, maysa a local tourguide ti Awaw-sen Falls, ti kiddawda ket kalpasan a nakaalada ti lima a sako ti basura gapo iti panagbaybay-a dagiti umay
Innayonna nga agbalin a responsable iti amin iti panangbitbit dagiti mapan agpasyar iti falls tapno mapagtalinaed ti kinadalos ti aglawlaw ken tapno maprotektaran daytoy.
Balakadna kadagiti mangayat a mapan iti falls nga agpakaammoda iti local guide tapno maipakaammo kadakuada dagiti rumbeng a palagip iti papan ken panagawid manipud iti Falls tapno maliklikan ti pannakaisagmak.
