VIGAN CITY – Rimmuaren ti resolusyon ti kaso a naipila kontra ti suspek a nangpapatay ti dati a nobiana ti maysa a dormitoryo idiay Brgy. Tamag, Vigan City.
Kaso a murder ti sangwen ti suspek a ni Dennis Racquel a nangpapatay kenni Jeza Arola babaen ti cord ti cellphone charger.
Segun ti Vigan City Police Station, inpilada ti nasao a kaso ket rimmuaren ti resolusyonna ken awan iti nailatang a piyansa para iti temporaryo a pannakawayawaya ni Racquel.
Kabayatanna pimmusay ni Arola babaen ti asphyxia due to strangulation wenno panangbekkel.
Maipalagip a nasarakan ti bagi ti biktima nga awan iti biagna a mapapati a pinapatay ti dati a nobiona a nagturong ti JM Bording House a pagababangan ni Arola.
Immunan a kinuna ti ina ti biktima a ni Alfreda Arola a makawanna ti suspek ngem masapol a sangwenna iti kaso a naipila kenkuana.
