VIGAN CITY – Natratar iti resolusyon a mangsuportar iti proposed measure a Same Sex Union Act iti Sangguniang Panlalawigan Conference Hall iti Provincial Farmers Livelihood Development Center iti siudad ti Vigan.
Iti pannaki-uman ti Bombo Radyo Vigan ken ni Provincial Board Member Christopher “Topeng” Baterina, ti nasao a pannakaipila iti gakat ket mangsuportar ken mangiyetnag iti karbengan ken onligasyon ken dadduma pay a banag para kadagiti agpartner nga LGTBQ+ community.
Segun ken ni Baterina, ti nasao nga addang ket tapno ital-o iti social justice, pateg ti dignidad iti tunggal tattao, ken ipaay iti respeto para iti human rights kalaksidan nu ania pay ti gender identity and sexual orientation-da.
Nakailanad pay iti nasao a resolusyon ket tapno matignayan ken mabigbigda para iti nadumaduma a karbengan maipapan ti property relations, insurance, ken nu bilang adda iti emergency cases a kas iti pannaka-ospital ket adda iti karbenganda a bumista, agbantay ken mangipaay ti suportar kas kameng ti pamilia.
VIDEO OF PROVINCIAL BOARD MEMBER CHRISTOPHER BATERINA
Kabayatanna, anamongan met ni Kevin Tajon Gonzales, miembro ti Bahaghari Organization, Inc. ti nasao a resolusyon ta patienna a babaen ti pannakaipatungpalna ket maipaay kadakuada ti karbengan a makipagbiag iti kagimungan kas kadagiti gagangay nga agpartner.
VC – KEVIN TAJON GONZALES
