VIGAN CITY – Basbassit pay ngem iti limapulo a porsiento dagiti kayatna a mabakunaan kontra Covid ditoy Vigan City kas makita iti resulta ti pakpakauna a survey ti city government.
Babaen ti survey ket makita no siasino dagiti sisasagana a mabakunaan ken mabigbig ti rason dagiti saanna kayat ti agpabakuna.
Iti pannaki-uman ti Bombo Radyo Vigan ken ni Mayor Juan Carlo Medina, ikagumaanda ti agpatulong kadagiti barangay ken nabukel ti barangay campaign team a katulonganda a mangiwaragawag iti tunggal residente ti kinapateg ken pagsyaatan ti panagpabakuna.
Inlawlawag ni Medina kadagiti senior citizen a tinawen a mabakbakunaan iti pneumonia ken flu vaccine a natalgedda nga agpabakuna iti Covid vaccine.
Maipalagip a gimmatang ti Vigan City government iti 100-200k doses ti bakuna manipud ti British pharmaceutical firm nga Astrazeneca ta gagemda a mabakunaan dagiti residente ti siudad nga agtawen iti sangapulo ket walo agpangato.
