Pagan-annaden ti Antique Provincial Disaster Risk Reduction and Management Office (PDRRMO) dagiti umili idiay Antique kontra iti epekto ti ashfall kalpasan iti napasamak nga explosive eruption iti Bulkang Kanlaon iti agsapa idi kalman, April 8, 2025.
Iti pannaki-uman ti Bombo Radyo Vigan ken ni PDRRMO chief Broderick Train, saan unay nga apektado idiay Antique ngem adda bassit nga ashfall a nakadanon iti lugarda ngem yamanenna ta saan a kas iti epekto iti napasamak a panagbettak idi December 9, 2024.
Gapu dayta ket nabilin dagiti agindeg nga agsagana ken agaramat iti face mask tapno maliklikan iti aniaman a pangta ti sulfur dioxide manipod ashfall.
Manarimaan iti panangbantayda iti sitwasyon ngem kalikagumna nga agbaliw iti direksyon ti angin wenno asok a nagtaud iti bulkan a mabalin nga agresulta iti nakarkaru nga epekto ti asfall iti lugarda.
Impalagipna iti panagbalin nga alerto ken alisto dagiti umili ken panagsagana tapno maliklikan iti saan a nasayaat a pagteng.
Iti agdama ket agtaltalinaed nga Alert Level 3 iti bulkan numan pay naisayangkat manen ti aktibidadna.
VIDEO – ANTIQUE PDRRMO CHIEF BRODERICK TRAIN
