--Ads--
VIGAN CITY – Nainget ti pannakamonitor dagiti rumuar ken sumrek idiay Brgy. Quezon, Santa kalpasan nga adda iti maatap a kaso ti COVID19 iti nasao a barangay.
Segun ken ni Brgy. Capt. Robert Queddeng, adda ti pass slip dagiti rumuar ken adda inwarasna nga ID kadagiti naglukat iti negosyoda kasta pay a binalakadanna dagiti agindeg nga agtalinaedda iti uneg ti pagtaenganda.
Malaksid iti dayta, kiddawenna iti saan a panagiwaras ti awan kinapudnona a damag agsipud ta kunana a nagdinamag a natayen dagiti pasyente a maatap a kaso iti nasao a sakit ket inlawlawagna a saan pay a kumpirmado a kaso.
