VIGAN CITY – Inlawlawag ni Dr. Trina Tabboga Talaga, Chief of Hospital iti Ilocos Sur Provincial Hospital Gabriela Silang a gapu ti limmukayen dagiti restriksyon ditoy probinsia ket naluklukayen ti proseso iti panagbiahe.
Segun ken ni Dr. Talaga, kaspangarigan a rumuar dagiti adda pending appointments-na ket kasapulan a makasublida met laeng iti uneg ti duapulo ket uppat nga oras ken no nababbaba ngem 24 hrs ti panagbiahe ket saanen a masapul ti Covid19 test result no la ket fully vaccinated.
Sakbay a makaruar iti probinsia ket masapul ti agsardeng iti exit checkpount a mangala iti border pass ngem no agsubli ket saanen a kasapulan ti Covid19 test result no la ket adda ti vaccine card, ID ken border pass.
Kadagiti met rumuar nga awan ti vaccine card na ken dagiti partially vaccinated, kasapulan ti border pass, ID ken ti border ti mangi-endorso kadagiti Local Government Unit para iti panag-quarantine.
