Binabalaw ni ACT Teachers Partylist Representative Antonio Tinio ti panang-classify ti World Bank iti Pilipinas kas maysa nga upper-middle-income country, saan a mangipakpakita ti husto a kasasaad dagiti mangmangged.
Segun ken ni Tinio, agtaltalinaed a nababa ti kita dagiti mangmangged gapu ta umabot laeng iti P510 ti kadawyan nga inaldaw a sweldo, adayo iti mapatta-patta a P1, 312 a living wage.
Impaganetget ti opisial nga uray dumurdur-as ti ekonomiya segun iti World Bank, saan daytoy a marikna ti kaadduan gapu ta agtaltalinaed a nababa ti sweldo ken kumarkaro ti deperensiya ti nabaknang ken narigat.
Innayon ni Tinio a masapul nga unaen ti gobierno ti panagipasa ti House Bill No 202 wenno ti P1, 200 Living Wage Bill tapno marisut ti pagkasapulan dagiti mangmangged.
