--Ads--
Iberberipika ti National Bureau of Investigation ti damag a nakita ni Senador Ronald dela Rosa iti maysa a yate iti saanen a nadakamat a probinsia.
Segun ken ni NBI Director Melvin Matibag, mabalin a gagemna daytoy a damag nga allilawen dagiti otoridad a mangkemmeg iti senador.
Dayta ket iti baet ti sangsangwenna nga arrest warrant manipud iti International Criminal Court mainaig iti nagbalin nga akemna iti nadara a war on drugs ti Duterte administration.
Maipalagip a pimmanaw ni dela Rosa idi parbangon ti Mayo 14, mano nga oras kalpasan a napasamak ti pammaltog iti uneg ti Senado ket sipud dayta, saanen a nagpakita pay iti publiko.
-- ADVERTISEMENT --
