Mamati ni Navotas City Rep. Toby Tiangco a ni dati a House Speaker ken Leyte Rep. Martin Romualdez ti adda iti likudan ti maikapat nga impeachment complaint kontra ken ni Vice President Sara Duterte.
Segun ken ni Tiangco, ti nangipila iti reklamo ket maysa a senior member ti partido Lakas, isu nga imposible a saan nga ammo wenno naipatang ken ni Romualdez, nga agdama a presidente ti partido.
Innayon ni Tiangco nga ammo ni Romualdez nga uray nakalusot iti isyu ti flood control scam iti agdama nga administrasion, ket posible a sumango iti pannusa no mangabak ni VP Sara iti 2028 elections.
Impaganetget ti kongresista a nasken nga ipakita ti kamara ti patas a proseso iti impeachment complaints, kas ti naaramid kadagiti reklamo kontra ken ni Presidente Ferdinand Marcos Jr.
