Nagpanawagan ni Las Piñas Lone District Rep. Mark Anthony Santos kadagiti kompania ti social media a papigsaen ti age verification, parental controls ken transparency iti algorithms-da a mangsalaknib kadagiti ubbing.
Indagadagna pay iti Kongreso a repasuenna dagiti linteg tapno ad-adda a mapasungbat dagiti social media platforms kadagiti napeggad a content a makita wenno ma access dagiti menor de edad.
Suportaran ni Santos ti pananglimitar iti panagusar ti social media dagiti ubbing nga awan pay 14 ti tawenda ken naing-inget a panangkontrol dagiti nagannak kadagiti agtawen iti 14 agingga iti 17.
Segun iti mammanday-linteg, maulit-ulit a mairekomendar dagiti algorithm ti content maipapan iti illegal a droga, sugal, pornograpia, kinaranggas ken panangdangran iti bagi a naibatay iti online activity ti agus-usar.
Impakdaarna pay nga agus-usar dagiti sindikato ken drug dealer kadagiti peke nga account ken pribado a mensahe tapno puntiria en dagiti agtutubo, agraman ti “dead drop” scheme para iti illegal a droga.
