--Ads--

Immanamong ni Deputy Speaker Antipolo City 1st district Rep. Ronaldo “Ronnie” Puno ti karit ni Vice President Sara Duterte a panangibutaktak dagiti miembro ti House of Representatives kadagiti travel record-da.

Ti addang ket kalpasan a nababalaw ni VP Sara babaen kadagiti dadduma a miembro iti Kamara iti masansan a panagbiahena iti abroad.

Segun ken ni Puno, anamunganna ti singasing ni VP Sara nga agiruar ti travel records.

Inlawlawagna nga adda dua a klase ti travel nga isu ti official travel ken personal travel.

-- ADVERTISEMENT --

Ti personal travel ket saan a baybayadan ti gobierno ta mabalin nga usaren ti leave para iti personal nga oras idinto a ti official travel ket baybayadan iti gobierno.

Kinunana nga apaman a mairuar ti official records dagiti agpampanday linteg ket personal a pirmaanna ti maysa a formal documentation tapno maaddaan ti cross-checking iti actual travel-da.

Manipod idi Marso ket agsublisublin ni Vice President idiay The Hague, Netherlands tapno bisitaen ti amana a ni dati a Pres. Rodrigo Duterte nga adda ita iti kustodiya ti International Criminal Court (ICC) iti kasona a crimes against humanity.