Inawagan a malicious, unfounded ken misleading ni Leyte Representative ken dati a House Speaker Martin Romualdez ti online report a nagkuna nga addan ti kasarsaritana tapno impluwensyaan ti Maharlika Investment Fund (MIF).
Inamin ni Romualdez a sinuportaranna ti pannakabukel ti MIF wenno wealth fund ken nag-invest iti Maharlika Investment Corporation (MIC).
Ngem napalaus iti panangilibakna nga adviser-na wenno masansan a kasaritana ti British-Swiss national a ni Patrick Mahony a maysa a convicted fraudster ken money launderer.
Segun ken ni Romualdez, awan ti kasarsaritana maipanggep ti investments, advisory roles wenno management decisions nga adda pakainaigan ti Maharlika Wealth Fund.
Immunan a rimmuar iti Malaysian-based investigative news outlet a Sarawak Report iti mapapati a “frequently meeting” ni Romualdez ken ni Mahony a maibagbaga nga adviser ti Maharlika fund.
