Binabalaw ni Akbayan Rep. Perci Cendaña ni Sen. Imee Marcos iti panangibagana a maipagarup a soft pork ti 2026 national budget iti posible nga impeachment complaint kontra ken ni Bise Presidente Sara Duterte.
Segun ken ni Cendaña, ul-ulawen ti senadora ti isyu ti impeachment iti pork barrel politics kabayatan a ti husto a patangan ket ti panagabuso ti bileg saan a no kasano a mausar ti pondo ti publiko.
Nagpakdaar ni Marcos a mabalin a mausar ti binilyon a pondo para iti social aid programs kas ‘soft pork’ tapno piliten dagiti agpampanday linteg nga isubli ti impeachment kontra ken ni Duterte.
Dinakamat met ni Cendaña a nakasagana isuna a suportaran iti sumaruno nga impeachment complaint no saanen a palubosan ti linteg.
Idi napalabas a tawen, naideklarar nga unconstitutional ti impeachment babaen ti Korte Suprema nga inaprubaran met ti Kamara. /Reynand Fontejon
