Impatangken ni La Union Rep. Paolo Ortega a saan a fishing expedition ti panag-subpoena ti House prosecution panel kadagiti financial ken tax records ni VP Sara Duterte.
Dayta ket kabalitad iti alegasyon ti kampo ti depensa a nangipaganetgetanna nga agsapsapul pay laeng ti ebidensia ti House panel babaen ti nalawa a sakip iti makidkiddaw a subpoena.
Segun ken ni Ortega, dagiti ebidensia a rimmuar kadagiti serye iti panagdenggeg ti House Justice Committee ket agserserbi a paraman dagiti prosecutor.
Ti panagpas-ubpoena iti nayon a bank ken financial records ket tapno maipresentar ti ladawan maipanggep ti kinabaknang ti bise presidente ken ti pamiliana.
Segun pay ti agpampanday linteg, addan ti trial proper ti kaso ni VP Sara isu a rumbeng laeng a maipresentar amin a financial records-na.
