--Ads--
Patien ni House Minority Leader ken 4Ps Partylist Rep. Marcelino Libanan a nasayaat nga addang ken mayannatup iti panawen ti pammilin ni Presidente Ferdinand Marcos Jr. a suspensuen ti panagangkat iti bagas.
Segun ken ni Libanan, dakkel a pakalag-anan daytoy dagiti mannalon a mpilitan a mangilako kadagiti apitda a malugi wenno P8 agingga P10 kada kilo, nalaklaka ngem iti production cost-da.
Impaganetget ni Libanan a nasken a mabuyogan daytoy iti panangilatang iti dakdakkel nga alokasyon para kadagiti mannalon iti salinong ti 2026 National Budget.
Gapu iti nasao a banag, napateg a maituloy ti suporta ti gobierno kadagiti mannalon tapno mapapigsa pay ti lokal a produksyon ti bagas.
-- ADVERTISEMENT --
