Inallukoy ni dati a Health Secretary nga ita ket House Deputy Majority Leader Janet Garin ti Department of Health nga ipasnek ti panangparmek iti leptospirosis ken dadduma pay nga agraraira a sakit.
Iti baet dayta ti yaadu ti leptospirosis patients iti National Kidney and Transplant Institute a naaramat payen a ward ti gymnasium ken San Lazaro Hospital.
Binabalaw ni Garin ti saan a pannakaideliver on ground ti DOH iti doxycyciline, antibiotic a maar-aramat tapno maliklikan ti leptospirosis, numan pay adda met nailatang a badyet.
Iti pay laeng baet ti layus gapu iti bagyo Carina, nagpalagipen ni Garin iti DOH nga agiwaras iti agas tapno maliklikan ti leptospirosis.
Inlawlawagna pay a dagiti bumaddek iti tudo, adda man dunorna wenno awan ket masapul a makatumar iti doxycycline 72 hours kalpasan a nayexpose iti kayus.
