Inaklon ni Representative Erwin Tulfo a nangbalin isuna nga undocumented immigrant (“TNT”) idiay United States iti las-ud ti maysa a dekada a nangrugi idi 1986.
Segun kenni Tulfo, nga isu ket nagtrabaho kadagiti nadumaduma a blue-collar jobs tapno masuportaran ti pamiliana ken dagiti undocumented workers ket masansan a gumatang kadagiti forged documents a kas dagiti driver’s licenses ken birth certificates tapno makaala ti panggedan.
Ti napalabas ni Tulfo a kas maysa nga undocumented workers ket rimsua dagiti saludsod maipapan iti US passport-na nga adda sabali a nagan a Erich Sylvester Tulfo ken ti aldaw ti pannakapasngay-na.
Immun-una nga inlawlawagna daytoy a discrepancy iti Commission on Elections (Comelec) babaen ti panangibagana a gapu daytoy kadagiti kasapulan para iti enlistment-na ti US Military.
Nagwaras met iti online ti surat ti US Embassy, a naipadamag a mangipakpakita iti pananaka-revoke ti passport na gapu iti mapapati a fraudulent tapno makaala ti birth certificate.
Dagitoy a kontrobersia, pakairamanan dagiti saan a nasolbar nga isyu ti citizenship ken ti napalabas a libel conviction, ket dinakamat ti Commission on Appointments (CA) idi inwaksida ti nominasionna para iti posision ti gabinete idi 2022.
Iti laksid ti naipila a disqualification petition kontra iti kandidaturana, inwaksi ti Comelec gapu iti naladaw a panagipila.
Ngem no man pay kasta, inkalintegan ni Tulfo ti kinainosentena, ken inyunay-unay na a saanna a linabsing ti aniaman a linteg.
