Nagballaag ni House prosecutor ken Mamamayang Liberal Party-list Rep. Leila de Lima iti publiko kontra iti panagwaras iti madi nga impormasyon, peke a damag, ken saan a pudno a naratibo bayat nga umadanin ti impeachment trial ni Vice President Sara Duterte.
Segun ken ni de Lima, namnamaenda nga umado pay dagiti makaallilaw a damag ken madi nga interpretasyon kadagiti pasamak iti panaggaraw iti kaso kangrunaan iti panagrugi ti trial.
Inallukoy ni de Lima iti publiko ken medi ng agannad iti panagawat ken panangipadamag iti impormasyon kangrunaan dagiti agwarwaras iti social media.
Kinuna ni de Lima a ti nasao a banag ket maysa kadagiti kabaraan a patangan ti politika ken constitutional iti pagilian, adda dagiti grupo a mabalin nga agiwaras ti madi nga impormasyon tapno maimpluwensyaan ti opinion iti publiko ken pakapsoten iti biag ti prosecution.
Ti sarita ket kasaruno iti panagkedked ti House prosecution panel kadagiti agwarwaras nga online claim a mapapati a naartapanda ti depensa iti pre-trial conference idi June 18.
