Awan ti makitkita a rason ni Akbayan Partylist Rep. Perci Cendaña tapno saan a suportaran dagiti senador ti impeachment ni Vice President Sara Duterte.
Iti pannaki-uman ti Bombo Radyo Vigan ken ni Rep. Cendaña, nga isu ti umuna a nangipila iti impeachment complaint kontra iti bise presidente, napigsa dagiti ebidenys ti impeachment ken ammo daytoy dagiti umili.
Ibilang ni Cendaña a welcome development ti daytoy nga addang ti kongreso ta adda latta pagpatinggaan dagiti panaglabsing ti bise presidente.
Pakaragsakan pay ti kongresista ti kinatured dagiti padana nga agpampanday-linteg nga agperma iti reklamo nga impeachment ta patienna a nasken laeng daytoy a mapasamak iti bise presidente gapu iti panagtakawna iti kaban ti pagilian ken panangdadaelna iti talek ti publiko.
215 nga agpampandaylinteg ti pimmabor iti impeachment ti bise presidente, ad-adu ngem iti kasapulan laeng a 103 a botos tapno mayuli ti impeachment iti Senado.
