--Ads--
Immapela ni Deputy Minority Leader ken Akbayan Partylist Rep. Perci Cendaña iti Philippine Charity Sweepstakes Office (PCSO) a simpaen ti online medical assistance system-da.
Inaramid ti agpampanday linteg ti apela gapu iti sumagmamano a reklamo a naawatda iti publiko.
Iti naisayangkat a budget briefing iti PCSO para inton sumaruno a tawen, inamin ni Cendaña a marigatan dagiti miembro ken umili a mangala ti medical aid gapu iti parikot iti online portal iti ahesya.
Segun ti PCSO, nakapsot iti sistema ta aggigiddan dagiti aplikante nu iti alas otso iti bigat ken adu dagiti mapaay a makapan iti portal gapu iti limitado nga slots.
-- ADVERTISEMENT --
Kiddawna iti PCSO a nayunan ti daily limit ken sayaaten ti sistem tapno adu a Pilipino iti mairanud iti programa.
