--Ads--
Sinitar ni House Deputy Minority Leader ken ACT Teachers Partylist Rep. France Castro ni dati a Presidente Rodrigo Duterte iti angawna mainaig iti panangpapatay kadagiti senador tapno makapuesto dagiti siam a kandidato iti partidona.
Segun ken ni Castro, makapadanag ti kastoy a sao ti dati a presidente ta saan nga ang-angaw ti murder ken terorismo.
Kunana a daytoy ket mangipakita no ania ti pudno a maris ti panangidaulo a mayarigna iti panangpapatay kadagiti siasino man a mangkalaban kadakuada.
Malaksid iti kinuna ni Duterte a panangpapatay kadagiti agdama a senador, kunana pay a ti kakaisuna a wagas tapno maaramid ti pammapatay ket babaen iti panangikabilna iti bomba.
-- ADVERTISEMENT --
