Inamin ni Manila 6th District Representative Benny Abante a nakaturog kabayatan ti impeachment trial ni Bise Presidente Sara Duterte gapu iti saludsod dagiti abogado ti depensa.
Daytoy ti imbingay ni Abante kalpasan a nadlaw ni Impeachment Court Presiding Officer Francis Escudero a nakaturog daytoy idinto a witness ni Philippine Government Electronic Procurement System (PhilGEPS) Division Chief Rendell Sopeña iti trial.
Segun ken ni Abante, nasayaat ti dumngeg iti trial ngem makaturog no boring dagiti saludsod dagiti abogado ti depensa.
Binabalaw ni Abante a kanayon a kontraen dagiti abogado ti depensa ti prosekusyon a kasla al-allilawen ken panggepda nga i-divert ti pudno nga isyu kontra iti bise presidente.
Immisem ni Abante iti rason nga inted ni House Lead Prosecutor ken kinuna ni Batangas Rep. Gerville Luistro a ti rason a pinagtalinaed ni Abante a nakakidem bayat ti nasapsapa a panagtultuloy ti impeachment trial ket gapu ta ikarkararagna ti prosecution.
