Mangipila ti civil case ti Lawyers for Commuters Safety Protection (LCSP) idiay Korte Suprema kontra dagiti uppat nga agpampanday linteg ti Quezon City gapu ti maipagarup a karaman iti maanomalya a flood control projects.
Pinasingkedan ni LCSP President Atty. Ariel Inton, karaman kadagiti mapilaan ti kaso da Quezon City 1st District Congressman Arjo Atayde ta mapapati a saanna a natungpal a nasayaat iti akemna kadagiti flood control projects ti siudad.
Maawatan ti LCSP ti pannakadismaya ni Quezon City Mayor Joy Belmonte mainaig ti saan a panangipakaammo ni Atayde ken dadduma a congressman ti proyekto nga awan iti Drainage Master Plan ti siudad.
Iti impasa ni Belmonte ken ni Department of Public Works and Highways Secretary Vince Dizon ken Independent Commission for Infrastructure adviser Benjamin Magalong, P17 bilyon ti gatad dagiti 331 a DPWH flood control projects iti Quezon City manipud 2022 agingga tawen, ket 305 iti awan iti Drainage Master Plan kabayatan a 170 a proyekto met ti mapapati nga adda ti Congressional Insertion-na.
